Centenârs
di miârs di personis – doi milions pai organizadôrs, un milion e
mieç pes fuarcis di polizie – a àn sfilât ai 11 di Setembar,
zornade là che e cole la fieste nazionâl de Catalogne, pes stradis
di Barcelone par domandâ la indipendence. Di là de cifre esate dai
partecipants, chê clamade dongje de ANC (Assemblea Nacional de
Catalunya) e je dal sigûr la plui grande manifestazion di place de
storie resinte de Catalogne e, contrari di ce che al jere sucedût in
altris ocasions, chest viaç la domande fate indenant e je une vore
clare e ben rapresentade dal strisson che al vierzeve la
manifestazion, ven a dî “Catalunya, nou estat d’Europa”
(Catalogne, gnûf stât de Europe).
La maree umane rivade di dute la Catalogne e ancje di altris comunitâts di lenghe catalane e à colassât lis stradis di Barcelone par manifestâ la voie di indipendence che, ancje daûr dai ultins sondaçs, e je maioritarie intal paîs. In place a jerin i rapresentants di ducj i partîts catalans, gjavade la diestre spagnoliste dal PP, dai sindacâts, des organizazions pe lenghe, dal mont de culture, dal sport e de economie, e une sdrume grandonone di citadins di ogni etât, divignince e categorie sociâl. Il no des autoritâts spagnolis par ogni ipotesi di incressi l’autoguvier catalan, la strategjie di acentrament puartade indenant dal guvier dal PP, il pês dal debit public discjariât su lis autonomiis locâls cence tignî cont dal diferent nivel di contribût che chestis a dan aes istituzions centrâls a son dome un pocjis des resons che a àn sburtât simpri plui catalans a pensâ che la uniche strade e sedi aromai chê de indipendence. La adesion massive ae manifestazion e à però cjapât in cuintripît il stes president dal guvier catalan, Artur Mas (CiU), che tes ultimis setemanis al sburtave par un gnûf pat fiscâl cun Madrid cjatantsi però denant di un no sec. Il messaç clâr e massîf dât dai catalans ai 11 di Setembar al à obleât Mas a olsâ di plui e a domandâ pe Catalogne struturis di stât e sovranitât fiscâl tant che prin pas par une Catalogne indipendente. Il risultât de manifestazion al à spaurît lis fuarcis plui leadis al stât tant che il PSC che al domande al guvier centrâl une riforme federaliste plui fuarte par gjavâi fuarce al indipendentisim, e al à dât plui fuarce a chei partîts che, tant che ERC e Solidaritat, a domandin di inviâ daurman il percors di autodeterminazion, cui cuntun referendum, cui cuntune proclamazion unilaterâl di indipendence. In ogni câs, cuasi ducj i osservatôrs a concuardin tal dî che la manifestazion dai 11 di Setembar e segne un pont che al sarà dificil tornâ indaûr.
La maree umane rivade di dute la Catalogne e ancje di altris comunitâts di lenghe catalane e à colassât lis stradis di Barcelone par manifestâ la voie di indipendence che, ancje daûr dai ultins sondaçs, e je maioritarie intal paîs. In place a jerin i rapresentants di ducj i partîts catalans, gjavade la diestre spagnoliste dal PP, dai sindacâts, des organizazions pe lenghe, dal mont de culture, dal sport e de economie, e une sdrume grandonone di citadins di ogni etât, divignince e categorie sociâl. Il no des autoritâts spagnolis par ogni ipotesi di incressi l’autoguvier catalan, la strategjie di acentrament puartade indenant dal guvier dal PP, il pês dal debit public discjariât su lis autonomiis locâls cence tignî cont dal diferent nivel di contribût che chestis a dan aes istituzions centrâls a son dome un pocjis des resons che a àn sburtât simpri plui catalans a pensâ che la uniche strade e sedi aromai chê de indipendence. La adesion massive ae manifestazion e à però cjapât in cuintripît il stes president dal guvier catalan, Artur Mas (CiU), che tes ultimis setemanis al sburtave par un gnûf pat fiscâl cun Madrid cjatantsi però denant di un no sec. Il messaç clâr e massîf dât dai catalans ai 11 di Setembar al à obleât Mas a olsâ di plui e a domandâ pe Catalogne struturis di stât e sovranitât fiscâl tant che prin pas par une Catalogne indipendente. Il risultât de manifestazion al à spaurît lis fuarcis plui leadis al stât tant che il PSC che al domande al guvier centrâl une riforme federaliste plui fuarte par gjavâi fuarce al indipendentisim, e al à dât plui fuarce a chei partîts che, tant che ERC e Solidaritat, a domandin di inviâ daurman il percors di autodeterminazion, cui cuntun referendum, cui cuntune proclamazion unilaterâl di indipendence. In ogni câs, cuasi ducj i osservatôrs a concuardin tal dî che la manifestazion dai 11 di Setembar e segne un pont che al sarà dificil tornâ indaûr.
Font:
VilaWeb, 11-12/09/12; Avui, 11-12/09/12; El Pais, 11-12/09/12
Nessun commento:
Posta un commento