Il teme dai presonîrs politics al devente simpri plui centrâl inte suaze dal dibatit politic e sociâl dal Paîs Basc. Daûr di dut chest a son sei la clime gnove puartade de fin de lote armade de bande di ETA, sei la mobilitazion coordenade di Egin Dezagun Bidea che ai 7 di Zenâr e à rivât a puartâ pes stradis di Bilbo / Bilbao almancul 110 mil personis par rivendicâ i dirits dai presonîrs bascs, ta chê che e je la plui grande manifestazion popolâr dai ultins agns in Euskal Herria.
Par Egin Dezagun Bidea si à di partî dal rispiet dai dirits dai presonîrs par cambiâ la politiche penitenziarie e lâ in direzion di une risoluzion dal conflit che e permeti ai presonîrs e ai esiliâts di tornâ a cjase. Il prin obietîf però – a disin – al reste chel di garantî ai bascs che si cjatin impresonâts i stes dirits di ducj chei altris presonîrs, a tacâ de pussibilitât di scontâ la pene il plui dongje di cjase pussibil e di jessi de preson cuant che si à scontât trê cuarts de condane o ben cuant che si cjatisi in cundizions di salût critichis. La partecipazion massive ae iniziative dai 7 di Zenâr, che e je lade tant plui innà dai militants de çampe indipendentiste basche, e à puartât ancje i nazionaliscj moderâts e i socialiscj bascs a domandâ al guvier di Madrid, vuê intes mans de diestre spagnoliste dal PP, une politiche penitenziarie diferente. Cun di fat, se la çampe abertzale e je di agns impegnade sul front dai dirits dai presonîrs politics, cumò ancje i nazionaliscj dal PNV a disin che no son plui resons par mantignî la dispersion dai presonîrs bascs e il PSE (sezion basche dal PSOE) al amet che viodût “il consens cuasi gjeneralizât, une altre politiche e je pussibile”. Cussì, aromai, a difindi la politiche carcerarie spagnole al reste cuasi dome dal PP. Egin Dezagun Bidea e à fat savê che tes prossimis setemanis e lavorarà par incressi ancjemò di plui la partecipazion popolâr e par dâi altris imprescj par difindi i dirits dai presonîrs e che e sviluparà i contats cun chei altris sogjets sociâi e politics bascs par inviâ altris azions che a ledin ta cheste direzion.
Par Egin Dezagun Bidea si à di partî dal rispiet dai dirits dai presonîrs par cambiâ la politiche penitenziarie e lâ in direzion di une risoluzion dal conflit che e permeti ai presonîrs e ai esiliâts di tornâ a cjase. Il prin obietîf però – a disin – al reste chel di garantî ai bascs che si cjatin impresonâts i stes dirits di ducj chei altris presonîrs, a tacâ de pussibilitât di scontâ la pene il plui dongje di cjase pussibil e di jessi de preson cuant che si à scontât trê cuarts de condane o ben cuant che si cjatisi in cundizions di salût critichis. La partecipazion massive ae iniziative dai 7 di Zenâr, che e je lade tant plui innà dai militants de çampe indipendentiste basche, e à puartât ancje i nazionaliscj moderâts e i socialiscj bascs a domandâ al guvier di Madrid, vuê intes mans de diestre spagnoliste dal PP, une politiche penitenziarie diferente. Cun di fat, se la çampe abertzale e je di agns impegnade sul front dai dirits dai presonîrs politics, cumò ancje i nazionaliscj dal PNV a disin che no son plui resons par mantignî la dispersion dai presonîrs bascs e il PSE (sezion basche dal PSOE) al amet che viodût “il consens cuasi gjeneralizât, une altre politiche e je pussibile”. Cussì, aromai, a difindi la politiche carcerarie spagnole al reste cuasi dome dal PP. Egin Dezagun Bidea e à fat savê che tes prossimis setemanis e lavorarà par incressi ancjemò di plui la partecipazion popolâr e par dâi altris imprescj par difindi i dirits dai presonîrs e che e sviluparà i contats cun chei altris sogjets sociâi e politics bascs par inviâ altris azions che a ledin ta cheste direzion.
Font: Gara, 07-14/01/12
Nessun commento:
Posta un commento