Un Gales indipendent staressial miôr o piês di cemût che al sta cumò dentri dal Ream Unît? Pal Plaid Cymru, il partît nazionalist galês che in dì di vuê al guvierne il paîs in aleance cui laburiscj, la strade de indipendence e zovarès al Gales. Ta chestis zornadis, par motivâ la sô posizion, al à ancje viert un sît internet là che si cjatin materiâi che di une bande a dan vôs a cui che al è a pro de indipendence – politics, ma ancje int normâl – e, di chê altre, a rispuindin ai lûcs comuns sul parcè che il Gales nol podarès deventâ indipendent. Intal sît al è spazi par cui che al vûl dibati sul teme de indipendence e si cjatin i colegaments cun altris imprescj informatics dedicâts a chest teme. In dì di vuê, almancul daûr dai sondaçs, il 13% dai galês al sarès a pro de indipendence, ma – a disin i membris dal Plaid Cymru – cheste percentuâl e je daûr a cressi e, dentri dal 2020, e podarès passâ il 50%.
Font: Nationalia, 12/03/09
Nessun commento:
Posta un commento