Inte suaze dal esam pe finanziarie pal 2009, il president Jean-Yves Le Drian al à informât la Assemblee regjonâl de Bretagne di vê domandât al prin ministri francês il trasferiment ae Regjon des competencis su la gjestion de mape scolastiche dal insegnament bilengâl. Ogni an si propon la nassite di gnovis classis bilengâls che, però, a puartin problemis dal pont di viste des risorsis disponibilis e de lôr distribuzion ecuilibrade sul teritori. Duncje, e dîs la aministrazion regjonâl, al sarès miôr che e fos la Regjon a gjestî lis risorsis umanis e economichis pal insegnament dal e par breton. Ai 18 di Dicembar la Assemblee regjonâl e veve votât, ducj dacuardi, un document che al domandave di lâ ta cheste direzion cuntune sperimentazion che e permetès di tacâ cul sisteme di gjestion diret za tal Setembar dal 2009.
Font: Agence Bretagne Presse, 12/01/09
1 commento:
I bretons e an bielzà le lôr tastiêre par scrivi in Breton. Pussibil che nissun furlan o nissun dispensari di sussidis nol pensi a fâ une tastîere furlane ?
Posta un commento