17/06/08

Pontade 14 08 (17/06/08) - 1

Cecenie: Russie condanade par disparizion di civîi

Il Tribunâl european dai dirits umans al à condanât la Russie par cinc câs di disparizion di civîi in Cecenie. I câs si riferissin ae disparizion di vot oms e di dôs feminis capitâts in diviersis localitâts cecenis jenfri il 2002 e il 2003. Si trate di personis cjapadis dal esercit o des fuarcis di sigurecis russis e mai plui tornadis a cjase. Il Tribunâl al à ricognossût lis autoritâts russis responsabilis di no vê rispietât il dirit ae vite, di vê arestât lis personis disparidis in maniere ilegâl, di no vê indagât su lis denunciis fatis des fameis des personis disparidis e di jessisi compuartadis in maniere inumane cuintri di lôr. L’unic risultât di cheste condane, dut câs, e je che il stât rus al varà di paiâ un risarciment di 429 mil euros ai autôrs des denunciis. In dì di vuê, il Tribunâl european si cjate a vê di esaminâ passe 22 mil denunciis cuintri de Russie par violazions dai dirits umans. Al è just di ricuardâ che il compuartament de Russie in Cecenie al è stât calcolât di gjenocidi de bande di cetantis organizazions umanitariis e no dome.
Font: Txetxenia.org, 29/05/08; Món Divers, 04/06/08


1 commento:

Jaio ha detto...

Forsit al sarès ancje just da dî che cuant che i todescs e àn invadût le Russie i cecens a no ju àn combatûts ma a si son preticamenti aleâts. No par spiegâ dut, ma amancul un tininín di storie par judâ a capî le asprece di chiste vuere achi. Daspó, no stin a dismenteâ che in Cecenie a si cjate il petrolio fasint bûsis cul picon e che i rùs a no àn voe di lassâlu ai merecans ancje chel.
Mandi