Ocitanie: campagne pe lenghe ocitane patrimoni de umanitât
E va indenant la campagne inmaneade de Chambra d’Òc par rivâ al ricognossiment de lenghe ocitane tant che patrimoni mondiâl de umanitât. L’apel, indreçât ae UNESCO, al ven compagnât di un altri progjet che al à non “L’Occitània a pè”, ven a dî la Ocitanie a pît. Par sburtâ l’apel, di fat, al è stât pensât di scjavaçâ a pît une buine fete de Ocitanie: une cjaminade internazionâl che e tacarà ai 30 di Avost di Vinai (Vinaio), intes valadis ocitanis dal Piemont, par rivâ ai 7 di Novembar a Vielha in Val d’Aran. Cun di fat, il spazi linguistic ocitan al cjape dentri trê stâts diviers, ven a stâi chel talian, chel francês e chel spagnûl. Tal prin, la lenghe d’òc e je fevelade in dodis valadis alpinis dal Piemont, tun blec de Ligurie e tal comun di La Gàrdia (Guardia Piemontese) in Calabrie. Intal stât francês, la aree ocitane e cjape dentri trenteun dipartiments, o sei cuasi dute la part meridionâl dal stât. L’ocitan al è po fevelât ancje te Val d’Aran, intal Principât di Catalogne. Par vê plui informazions su la iniziative o par aderî si pues là achì.
Font: Chambra d’Òc
1 commento:
Aqueste dimenjada podrètz trapar vídeos de l'acabament de "Occitània a pè" ; seràn entrevistas prepausadas als Internautas per d'internautas militants.
Las traparètz sul blòg meu. Grazie, Mercés d'o far saber.
jacmetolosa.spaces.live.com/blog/
Posta un commento