Il guvier
galês al à dât fûr i nivei gnûfs di tutele e di promozion de
lenghe pes aziendis publichis e par chês privadis clamadis a garantî
servizis di utilitât publiche. L’esecutîf al à metût jù il
document dopo che vie pal 2013 al veve boçât i standards
linguistics fats indenant de comissarie pe lenghe galese, Meri Huws.
Si vierç cumò une dade di consultazions che a varessin po di puartâ
i nivei a deventâ leç tor dal mês di Novembar di chest an. Pal
prin ministri Carwyn Jones si trate di un pas impuartant che al
permetarà di slargjâ i servizis che i citadins a varan ancje par
galês. Pe Cymdeithas yr Iaith Gymraeg (Societât pe Lenghe Galese),
organizazion in prime linie inte difese dai dirits linguistics, la
Assemblee Nazionâl dal Gales e varà invezit di incressi e infuartî
i nivei dal moment che in diviersis areis, tant che telefonie e
internet, si riscje fintremai di vê servizis piês di chei di cumò.
Font:
BBC, 06/01/14
Nessun commento:
Posta un commento