Un delegazion dal ministeri spagnûl pe funzion publiche e pes politichis teritoriâls si à cjatade cui rapresentants des Comunitâts autonomis cun lenghis couficiâls (Comunitât Autonome Basche, Navare, Paîs Valenzian, Baleârs, Catalogne e Galizie) par fâ il pont sui pas fats intai ultins sîs mês pal rispiet dai dirits linguistics. Il prin pas al è stât di domandâ a ducj i ministeris di nomenâ un responsabil che al viodi dal rispiet dai oblics in materie di lenghis couficiâls, tant che la traduzion dai documents principâi, la rispueste ai citadins e la acessibilitât dai sîts dai ministeris ancje ta chestis lenghis. I responsabii di ogni ministeri, che a ricevaran ancje une formazion di pueste, si daran dongje tun grup di lavôr che al coventarà par coordenâsi e scambiâsi buinis pratichis.
Nessun commento:
Posta un commento