Al è stât lançât il program Go Cornish che si propon di ufrî a ducj i fruts che a frecuentin lis primariis in Cornualie la oportunitât di imparâ alc de lenghe corniche (kernewek) e di scuvierzi alc di plui sul patrimoni culturâl che le compagne. Il program al è organizât in trê nivei di dificoltât, al met a disposizion diviersis risorsis pensadis par adatâsi al curriculum di studi e al è disponibil sore nuie pai insegnants che a vuelin doprâlu. Il prin nivel al pues jessi doprât ancje di chei insegnants che no àn nissune cognossince dal cornic. Un dai obietîfs dal progjet, volût e sostignût dal Consei de Cornualie, al è di fâ cressi framieç dai fruts, des fameis e dai insegnants la cussience de impuartance de lenghe proprie e di fâlu cuntun sisteme che al sedi acessibil par ducj e divertent.
Nessun commento:
Posta un commento