Passe mil e cinccent personis – students, gjenitôrs, insegnants, ativiscj pe lenghe e ancje tancj citadins comuns – si son dâts adun il prin di Lui pes stradis di Donapaleu / Saint-Palais, intal Paîs Basc dal Nord sot aministrazion francese, par rivendicâ il dirit di studiâ par basc. Si trate de seconde gruesse mobilitazion in pôc plui di un mês dopo che ai 29 di Mai dîs mil personis a vevin manifestât pes stradis di Baiona / Bayonne. La mobilitazion dal prin di Lui e je stade inmaneade cun chê di domandâ che i students des scuelis superiôrs baschis a imersion a puedin dâ i esams finâi par euskara, completant duncje il percors educatîf inte stesse lenghe che a àn doprât par studiâ.
Font:
MediaBask, 01/07/21
Nessun commento:
Posta un commento