Il diretîf de fondazion PuntuEUS al à valutât cun sodisfazion lis ativitâts davueltis inte dade 2016-2020 e al à fat bon il plan strategjic 2021-2023. Il program che si à a pene sierât al veve tant che obietîf di fonde di slargjâ l’ûs dal domini .eus framieç de societât basche. La fondazion e stime di vê otignût i risultâts che si proponeve dal moment che i sîts internet che a doprin chest domini a son passâts di 4.903 a 11.927 cuntune incressite dal 242%. L’obietîf dal plan gnûf al è di fâ deventâ .eus il domini principâl intal mont digjitâl di lenghe basche, ancje par mieç di un aument de cualitât e de sigurece dal servizi, e di sburtâ la trasformazion digjitâl de societât par mieç dal euskara.
Font: Domeinuak, 26/01/21
Nessun commento:
Posta un commento