Lis organizazions pai dirits civîi e diviers juriscj si mostrin preocupâts pal vie libare che la Assemblee francese e à dât al cussì clamât “delit di separatisim” che al previôt penis fin a cinc agns di preson e 75 mil euros di multe. La normative e je stade pensade par difindi la laicitât e i valôrs republicans dal stât e des sôs emanazions cuintri des menacis dal radicalisim islamic. La gnove leç però e lasse spazis di interpretazion che a podaressin puartâle a menaçâ dirits di fonde come chel di associazion o di espression.
Cun di plui, se ancje l’obietîf declarât al è di fâi
cuintri al radicalisim di stamp islamist, in diviers di lôr a àn
pôre che il gnûf delit al vegni doprât par colpî lis realtâts
impegnadis intal difindi i dirits des nazionalitâts minorizadis, di
chês che a operin pe autodeterminazion a chês impegnadis inte
solidarietât cui presonîrs politics. A jevâ chest teme denant de
Assemblee a son stâts i parlamentârs cors Jean-Felix Acquaviva e
Paul-André Colombani. Il stes ministri francês pe justizie, Eric
Dupond-Moretti, nol à escludût che la normative e puedi jessi
doprade ancje cuintri di cors e bascs cuant che, tal rispuindi a
Colombani, al à declarât che «no esistin teroriscj triscj e
teroriscj bogns» e che il stât francês al combat «cuintri di ducj
i separatisims».
Font: Naiz:, 05/02/21
Nessun commento:
Posta un commento