Di là di
cemût che si sierarà, la storie di Iosu Uribetxebarria e à mostrât
ancjemò une volte cemût che lis autoritâts spagnolis si compuartin
cuant che a àn a ce fâ cu la cuistion basche. Cun di fat la leç
spagnole e previôt che, in câs di une forme di malatie mortâl o
une vore serie, un presonîr al finissi di scontâ la sô pene a
cjase sô. I esams medics a àn confermât che Iosu Uribetxebarria,
impresonât cu la acuse di jessi un membri de organizazion armade
basche ETA, al à un cancar che al è aromai in fase terminâl ma,
chel istès, lis autoritâts spagnolis no àn mostrât nissune
intenzion di fâlu saltâ fûr de preson: un compuartament che nol à
nissune justificazion juridiche, ma che al palese dome l’acaniment
cuintri dai presonîrs bascs. Par chest, cundut des sôs condizions
di salût precariis, Iosu Uribetxebarria al à inviât un siopar de
fam par denunciâ cheste situazion che e rivuarde ancje altris
presonîrs bascs. Ricoverât cumò intal ospedâl di Donostia in
condizions critichis, il presonîr al à cjatât la solidarietât di
cetancj di lôr.
Cheste ultime bataie di Uribetxebarria e je compagnade di mobilitazions di place continuadis intal Paîs Basc, de poie di associazions e moviments politics, di rapresentants istituzionâi, sindacâi e religjôs, e di cetancj citadins. La sô proteste e à cjapât dentri centenârs di presonîrs politics bascs – a vuê passe cinccent – che intes galeris spagnolis e francesis a àn inviât ancje lôr siopars de fam continuâts o a rotazion e altris formis di proteste. Cussì une vicende che la leç e permeteve di risolvi cence problemis, pe ostinazion des autoritâts spagnolis, e je deventade un câs che al à jevât ancje l’interès dai mieçs di comunicazion internazionâi. Ai 17 di Avost la segretarie gjenerâl des istituzions penitenziariis e à concedût al presonîr basc il tierç grât penitenziari, prin pas pe libertât condizionâl. La decision finâl i spiete però ae Audiencia Nacional spagnole che si è cjapade ancjemò cualchi zornade prime di decidi. Di là di cemût che si sierarà, la storie di Iosu Uribetxebarria e je une sconfite par cui che a Madrid al va dilunc a pensâ che si puedi risolvi il conflit basc cu la repression e cul svindic.
Cheste ultime bataie di Uribetxebarria e je compagnade di mobilitazions di place continuadis intal Paîs Basc, de poie di associazions e moviments politics, di rapresentants istituzionâi, sindacâi e religjôs, e di cetancj citadins. La sô proteste e à cjapât dentri centenârs di presonîrs politics bascs – a vuê passe cinccent – che intes galeris spagnolis e francesis a àn inviât ancje lôr siopars de fam continuâts o a rotazion e altris formis di proteste. Cussì une vicende che la leç e permeteve di risolvi cence problemis, pe ostinazion des autoritâts spagnolis, e je deventade un câs che al à jevât ancje l’interès dai mieçs di comunicazion internazionâi. Ai 17 di Avost la segretarie gjenerâl des istituzions penitenziariis e à concedût al presonîr basc il tierç grât penitenziari, prin pas pe libertât condizionâl. La decision finâl i spiete però ae Audiencia Nacional spagnole che si è cjapade ancjemò cualchi zornade prime di decidi. Di là di cemût che si sierarà, la storie di Iosu Uribetxebarria e je une sconfite par cui che a Madrid al va dilunc a pensâ che si puedi risolvi il conflit basc cu la repression e cul svindic.
Font:
Naiz:, 10-19/08/12; Gara, 10-19/08/12
Nessun commento:
Posta un commento