La presince
de lenghe galese inte sanitât e inte radiotelevision publiche e je
al centri di dôs consultazions publichis. Di une
bande e je la inchieste su la situazion de lenghe galese intai
servizis sociosanitaris publics, la prime inviade de comissarie pe
lenghe Meri Huws. Cun di fat a son stâts denunciâts diviers câs là
che no dome il personâl sanitari nol jere in stât di comunicâ cui
pazients inte lôr lenghe proprie, ma si rivave fintremai a cridâi
al personâl e ai pazients che a fevelavin tra di lôr par galês.
Sul ûs de lenghe inte sanitât publiche lis posizions in cjamp a son
une vore diviersis: si va di cui che, tant che la Associazion Mediche
Britaniche, al dîs che il galês nol è prioritari e che lis
competencis linguistichis domandadis a limitin il reclutament dal
personâl, a cui che – al è il câs de Societât pe Lenghe Galese
(Cymdeithas yr Iaith Gymraeg) – al spieghe che un servizi dât
intune lenghe divierse di chê dal pazient nol è dome un servizi fat
mâl, ma ancje une violazion dai dirits umans.
Sul front de radiotelevision publiche, invezit, e je partide une consultazion publiche, che si sierarà ai 23 di Otubar, sul stampon di acuardi tra la BBC e la emitente in lenghe galese S4C. Il test al previôt che la rêt S4C e mantegni la sô indipendence editoriâl e organizative, ma che al sedi il font di gjestion de BBC a controlâ la cualitât, l’impat e il valôr de programazion in rapuart aes risorsis metudis. La plui part des risorsis e rivarà, di fat, dal BBC Trust: si larà dai 76,3 milions di sterlinis de anade 2013/2014 ai 74 milions e mieç dal 2016/2017. Il guvier britanic al garantìs invezit uns 7 milions di sterlinis ad an, almancul fin al 2015, e l’acuardi al lasse ae emitente galese la disponibilitât plene des sôs jentradis comerciâls. Intal pat si fevele ancje di riunions periodichis tra la dirigjence de sezion galese de BBC e de S4C, e di riduzion des spesis fissis di cheste ultime di almancul il 10% intai prossims doi agns. La operazion e varès di garantî la continuitât dal servizi, ma di plui bandis si à denunciât i risis dal acuardi su la indipendence e su la cualitât de emitente galese. Par vê un cuadri precîs des posizions in cjamp si varà però di spietâ la fin des consultazions.
Sul front de radiotelevision publiche, invezit, e je partide une consultazion publiche, che si sierarà ai 23 di Otubar, sul stampon di acuardi tra la BBC e la emitente in lenghe galese S4C. Il test al previôt che la rêt S4C e mantegni la sô indipendence editoriâl e organizative, ma che al sedi il font di gjestion de BBC a controlâ la cualitât, l’impat e il valôr de programazion in rapuart aes risorsis metudis. La plui part des risorsis e rivarà, di fat, dal BBC Trust: si larà dai 76,3 milions di sterlinis de anade 2013/2014 ai 74 milions e mieç dal 2016/2017. Il guvier britanic al garantìs invezit uns 7 milions di sterlinis ad an, almancul fin al 2015, e l’acuardi al lasse ae emitente galese la disponibilitât plene des sôs jentradis comerciâls. Intal pat si fevele ancje di riunions periodichis tra la dirigjence de sezion galese de BBC e de S4C, e di riduzion des spesis fissis di cheste ultime di almancul il 10% intai prossims doi agns. La operazion e varès di garantî la continuitât dal servizi, ma di plui bandis si à denunciât i risis dal acuardi su la indipendence e su la cualitât de emitente galese. Par vê un cuadri precîs des posizions in cjamp si varà però di spietâ la fin des consultazions.
Font:
BBC, 08 e 10/08/12
Nessun commento:
Posta un commento