E cres simpri di plui la oposizion cuintri de propueste di modificâ la leç di normalizazion linguistiche in vore intes Baleârs fate indenant dal esecutîf de Comunitât autonome des isulis. Il guvier vuidât di José Ramón Bauzá (Partît Popolâr) al ponte a cambiâ vot dai cuarante articui de leç che e ricognòs a ducj il dirit di cognossi e di doprâ il catalan, lenghe proprie des Baleârs. In particolâr si volarès gjavâ la cognossince dal catalan tant che element necessari par podê lavorâ inte aministrazion publiche des isulis.
A mobilitâsi cuintri de propueste di modifiche de leç no son stadis dome lis associazions impegnadis inte promozion dal catalan e i partîts nazionaliscj, ma ancje diviers sindacâts e partîts spagnoliscj. Par esempli i socialiscj (PSIB – PSOE) a àn domandât in maniere uficiâl che la propueste di modifiche de leç e vegni ritirade e a àn acusât il guvier Bauzá di rompi la “pâs linguistiche” che si à intes Baleârs di 25 agns incà, ven a dî di cuant che e je in vore la leç di normalizazion linguistiche. Pai moderâts di Gent per Eivissa l’intervent dal esecutîf al va a disnaturâ la leç di normalizazion linguistiche e a stiçâ polemichis là che no son dome par resons propagandistichis. Cuintri de modifiche de leç a àn cjapât posizion ancje lis CCOO (Confederación Sindical de Comisiones Obreras) che a disin che, cul gjavâ la cognossince dal catalan par podê lavorâ inte aministrazion publiche, si va intai fats a meti la lenghe proprie des isulis in secont plan rispiet al castilian e, di chê strade, si va cuintri dai principis dal Statût di autonomie e si fâs un salt indaûr intal procès di normalizazion linguistiche. I sindacâts a zontin ancje che la cognossince obligatorie de lenghe dal puest no pues jessi mai calcolade di azion discriminatorie cemût che invezit al sosten il guvier Bauzá. Lis modifichis de leç a àn cjatât la posizion contrarie di ducj i ex presidents de Comunitât autonome, di dutis lis aministrazions comunâls di Eivissa / Ibiza e de grande part di chei des altris isulis.
A mobilitâsi cuintri de propueste di modifiche de leç no son stadis dome lis associazions impegnadis inte promozion dal catalan e i partîts nazionaliscj, ma ancje diviers sindacâts e partîts spagnoliscj. Par esempli i socialiscj (PSIB – PSOE) a àn domandât in maniere uficiâl che la propueste di modifiche de leç e vegni ritirade e a àn acusât il guvier Bauzá di rompi la “pâs linguistiche” che si à intes Baleârs di 25 agns incà, ven a dî di cuant che e je in vore la leç di normalizazion linguistiche. Pai moderâts di Gent per Eivissa l’intervent dal esecutîf al va a disnaturâ la leç di normalizazion linguistiche e a stiçâ polemichis là che no son dome par resons propagandistichis. Cuintri de modifiche de leç a àn cjapât posizion ancje lis CCOO (Confederación Sindical de Comisiones Obreras) che a disin che, cul gjavâ la cognossince dal catalan par podê lavorâ inte aministrazion publiche, si va intai fats a meti la lenghe proprie des isulis in secont plan rispiet al castilian e, di chê strade, si va cuintri dai principis dal Statût di autonomie e si fâs un salt indaûr intal procès di normalizazion linguistiche. I sindacâts a zontin ancje che la cognossince obligatorie de lenghe dal puest no pues jessi mai calcolade di azion discriminatorie cemût che invezit al sosten il guvier Bauzá. Lis modifichis de leç a àn cjatât la posizion contrarie di ducj i ex presidents de Comunitât autonome, di dutis lis aministrazions comunâls di Eivissa / Ibiza e de grande part di chei des altris isulis.
Font: Diario de Ibiza, 13/01/12; Mallorca Confidencial, 13/01/12; El Mundo, 17/01/12; El Digital de Baleares, 23/01/12
Nessun commento:
Posta un commento