La division de Navare in trê areis linguistiche, o sei bascofone, miste e no bascofone, no sarà cambiade. Cun di fat, la propueste di modifiche de leç su la lenghe basche (euskara) fate indenant dal partît Izquierda - Ezkerra (I - E) e je stade boçade cul vôt unitari dai socialiscj, de diestre spagnoliste dal Partît Popolâr e de diestre navare de UPN (Unión del Pueblo Navarro).
La iniziative di I - E e varès permetût di slargjâ ancje ae aree no bascofone i dirits linguistics che a gjoldin i citadins che a vivin inte aree miste, tra chescj la pussibilitât di frecuentâ scuelis publichis là che si insegne il e par basc. Si trate di rispuindi a di une domande sociâl une vore clare, al à spiegât il parlamentâr di I - E Txema Mauleón, viodût che cuasi il 30% dai citadins che a vivin inte aree no bascofone a disin che, se a podessin, a fasaressin studiâ l’euskara ai lôr fîs. Sei i nazionaliscj bascs moderâts di NaBai, sei i indipendentiscj di Bildu a àn votât a pro de propueste, cundut che le calcolin masse moderade. Ancje i socialiscj a àn declarât di volê modifichis plui fuartis, ma a àn votât cu lis diestris cuintri de propueste. Pal PP la pussibilitât di studiâ par basc in dute la Navare e sarès une imposizion, pe UPN la maiorance dai citadins de Navare e je contrarie a slargjâ l’insegnament dal euskara.
La iniziative di I - E e varès permetût di slargjâ ancje ae aree no bascofone i dirits linguistics che a gjoldin i citadins che a vivin inte aree miste, tra chescj la pussibilitât di frecuentâ scuelis publichis là che si insegne il e par basc. Si trate di rispuindi a di une domande sociâl une vore clare, al à spiegât il parlamentâr di I - E Txema Mauleón, viodût che cuasi il 30% dai citadins che a vivin inte aree no bascofone a disin che, se a podessin, a fasaressin studiâ l’euskara ai lôr fîs. Sei i nazionaliscj bascs moderâts di NaBai, sei i indipendentiscj di Bildu a àn votât a pro de propueste, cundut che le calcolin masse moderade. Ancje i socialiscj a àn declarât di volê modifichis plui fuartis, ma a àn votât cu lis diestris cuintri de propueste. Pal PP la pussibilitât di studiâ par basc in dute la Navare e sarès une imposizion, pe UPN la maiorance dai citadins de Navare e je contrarie a slargjâ l’insegnament dal euskara.
Intant une schirie di associazions culturâls e di organizazions professionâls de Navare a àn dât fûr un manifest là che a invidin i gjenitôrs a iscrivi i lôr fîs intes scuelis dal model D, o sei là che l’euskara al è doprât tant che lenghe veicolâr par cuasi dutis lis materiis. Cuatri lis resons principâls par fâlu, ven a dî: il basc e je une lenghe dal futûr parcè che il so ûs al cres sei te societât che intes gnovis tecnologjiis; il basc e je une lenghe ecologjiche, parcè che ecologjie al vûl ancje dî sburtâ la diviersitât linguistiche; il basc al contribuìs al dialic e ae pâs sociâl intal teritori e al stice un rapuart positîf cu lis diviersitâts; e, par finî, il svilup di un ambient plurilengâl al jude a imparâ in maniere naturâl plui lenghis.
Font: Gara, 18/01/12; ABC, 17 e 19/01/12
Nessun commento:
Posta un commento