Intes ultimis elezions aministrativis, che si son tignudis vie pal mês di Març, il Partît Nazionâl Frison (FNP) al à otignût il miôr risultât de sô storie. Cun 36 mil vôts – 10 mil in plui che tes votazions dal 2019 – al à otignût sù par jù il 12% dai consens e 49 conseîrs comunâi, deventant il tierç partît plui votât inte provincie aministrative de Frisie. In trê comuns al è il partît di maiorance relative, intant che te capitâl frisone Ljouwert / Leeuwarden al à otignût l’11% dai vôts e dopleât il numar dai elets. Il Partît Nazionâl Frison al domande plui autonomie pal teritori de Frisie inte suaze di une riforme federâl dai Paîs Bas.
Font:
Jornalet, 26/03/22
Nessun commento:
Posta un commento