25/10/19

France: ai 30N manifestazion a Parîs pes lenghis minorizadis

I coletîfs impegnâts pal insegnament des lenghis minorizadis intal stât francês a son daûr a inmaneâ une manifestazion che e varès di davuelzisi ai 30 di Novembar a Parîs, cun dute probabilitât denant dal palaç dal ministeri statâl pe educazion. La iniziative – che e met adun, tra lis altris, organizazions ocitanis, baschis e bretonis – e je stade pensade tant che rispueste al tai di risorsis e di personâl pal insegnament des lenghis minorizadis che al diven de gnove leç su la educazion puartade indenant dal ministri Blanquer.
Font: Jornalet, 14/10/19

Nessun commento: