Ai 21 di
Otubar, cu la sentence sul ricors fat indenant de presonire basche
Inés del Río, il tribunâl european dai dirits umans al à sdrumât
lis fondis de cussì clamade “dotrine Parot”. Ancjemò intal
2006, propit a partî dal câs dal presonîr basc Unai Parot, il
tribunâl superiôr spagnûl al veve imbastît une jurisprudence che
e permeteve di intervignî in maniere retroative par slungjâ i timps
di presonie, alterant la maniere di meti in vore i sconts di pene
previodûts de stesse leç spagnole. Pe cort di Strasburc cheste
dotrine juridiche e va cuintri dai dirits umans e e va scancelade
liberant ducj chei presonîrs che a varessin vût di jessi in
libertât, ma che par vie di chest sisteme a son inmò in preson.
La Audiencia Nacional spagnole e à vût cussì di procedi daurman par fâ meti in libertât Inés del Río che e veve passât in preson 26 agns, i ultins cinc in maniere iregolâr. A son però 55 i militants bascs che si cjatin ancjemò in preson par vie de “dotrine Parot”. Cundut dai tentatîfs di resistence dal guvier spagnûl e des pressions che a rivin dai ambients de estreme diestre, la Audiencia Nacional e à ancje sclarît che no esistin nivei juridics o ats dal stât che a puedin evitâ di meti in vore lis decisions dal tribunâl di Strasburc e che la sentence e vâl par ducj i presonîrs che si ur à aplicade la “dotrine Parot”. Chel istès, invezit di procedi intun colp sôl ae liberazion di ducj i presonîrs che a àn vude la lôr condane slungjade in maniere injuste, la Audiencia Nacional e à fat savê che i câs a saran frontâts un par un slungjant cussì i timps pe jessude di preson.
La Audiencia Nacional spagnole e à vût cussì di procedi daurman par fâ meti in libertât Inés del Río che e veve passât in preson 26 agns, i ultins cinc in maniere iregolâr. A son però 55 i militants bascs che si cjatin ancjemò in preson par vie de “dotrine Parot”. Cundut dai tentatîfs di resistence dal guvier spagnûl e des pressions che a rivin dai ambients de estreme diestre, la Audiencia Nacional e à ancje sclarît che no esistin nivei juridics o ats dal stât che a puedin evitâ di meti in vore lis decisions dal tribunâl di Strasburc e che la sentence e vâl par ducj i presonîrs che si ur à aplicade la “dotrine Parot”. Chel istès, invezit di procedi intun colp sôl ae liberazion di ducj i presonîrs che a àn vude la lôr condane slungjade in maniere injuste, la Audiencia Nacional e à fat savê che i câs a saran frontâts un par un slungjant cussì i timps pe jessude di preson.
Font:
Gara, 22-29/10/13
Nessun commento:
Posta un commento