E va dilunc
a cressi la proteste framieç des comunitâts minorizadis dal stât
francês pal pas indaûr des autoritâts francesis su la ratifiche de
Cjarte europeane des lenghis regjonâls o minoritariis e su altris
cuistions leadis ae tutele de pluralitât linguistiche. Ta chestis
zornadis, di fat, il president de Republiche François Hollande,
cundut dal impegn che si veve cjapât intant de campagne eletorâl,
al à comunicât che inte suaze de riforme costituzionâl che si
pense di inviâ no si fasaran chês modifichis che a coventaressin
par permeti di ratificâ la Cjarte.
Cun di plui, dal progjet di riforme de scuele che al è cumò al esam dal Parlament a son stâts gjavâts ducj i elements che a varessin permetût di infuartî la presince des lenghis minorizadis intal sisteme scolastic e si à invezit fat bon un emendament che al previôt il consens dai gjenitôrs fintremai par azions di sensibilizazion sul ûs di chestis lenghis. Chestis decisions a àn jevât lis protestis dai deputâts plui sensibii ai dirits linguistics e di diviersis organizazions rapresentativis des comunitâts minorizadis. Tra i prins intervents si segnalin chei dal president dal Consei regjonâl de Bretagne e de rêt des Regjons e dai Popui Solidaris che e met adun une disine di moviments nazionalitaris di Alsazie, Bretagne, Catalogne Nord, Corsiche, Ocitanie e Paîs Basc setentrionâl.
Cun di plui, dal progjet di riforme de scuele che al è cumò al esam dal Parlament a son stâts gjavâts ducj i elements che a varessin permetût di infuartî la presince des lenghis minorizadis intal sisteme scolastic e si à invezit fat bon un emendament che al previôt il consens dai gjenitôrs fintremai par azions di sensibilizazion sul ûs di chestis lenghis. Chestis decisions a àn jevât lis protestis dai deputâts plui sensibii ai dirits linguistics e di diviersis organizazions rapresentativis des comunitâts minorizadis. Tra i prins intervents si segnalin chei dal president dal Consei regjonâl de Bretagne e de rêt des Regjons e dai Popui Solidaris che e met adun une disine di moviments nazionalitaris di Alsazie, Bretagne, Catalogne Nord, Corsiche, Ocitanie e Paîs Basc setentrionâl.
Font:
Le Journal du Pays Basque, 19-20/03/13
Nessun commento:
Posta un commento