A son
passâts cuasi cuindis agns dai acuardis di pâs dal Vinars Sant che
a àn puartât ae fin dal conflit armât in Irlande dal Nord e a di
une forme di guvier che e oblee unioniscj e republicans a colaborâ
tra di lôr. Chel istès tancj dai ponts previodûts dai acuardis a
restin ancjemò su la cjarte o no son stâts ancjemò metûts in vore
ad in plen. Cheste e je une des resons che, massime intai ultins
agns, e à tornât a dâi fuarce ae dissidence armade republicane
che, contrari dal IRA Provisional (il bloc storic dal Esercit
Republican Irlandês), no à acetât di meti jù lis armis e di cjatâ
dai compromès cu la cuintripart unioniste e cu lis autoritâts
britanichis. A stiçâ chest aument de violence e je però ancje la
repression che e je stade metude in at dai britanics cuintri des
diviersis fuarcis de dissidence republicane. Singui militants o piçui
grups, pe plui part jessûts des filis dai Provisionals, a vevin
metût in pîts diviersis organizazions armadis tant che il Real IRA
e il Continuity IRA che a jerin ladis dilunc a fâ atacs e atentâts
che, cul passâ dai agns, a son cressûts di potence.
Cumò cuntun document dât fûr ae stampe al è stât comunicât che la maiorance di chescj grups armâts si à dade dongje par rifondâ un unic moviment armât cuntun comant unificât che si à decidût di batiâ cu la sigle IRA, cence altris adietivazions. Il gnûf moviment, in plui dal Real IRA al metarès adun il Republican Action Against Drugs, atîf massime inte aree di Doire / Derry, e altris formazions indipendentis ativis sei te citât di Béal Feirste / Belfast che tes areis rurâls a maiorance nazionaliste de Irlande dal Nord. A restâ fûr, almancul par cumò, al sarès dome il Continuity IRA. La organizazion armade e comuniche di vê a disposizion diviers centenârs di oms e di jessi pronte a incressi il nivel des sôs azions cun chê di bati lis fuarcis britanichis e concuistâ cu lis armis la libertât de Irlande.
Cumò cuntun document dât fûr ae stampe al è stât comunicât che la maiorance di chescj grups armâts si à dade dongje par rifondâ un unic moviment armât cuntun comant unificât che si à decidût di batiâ cu la sigle IRA, cence altris adietivazions. Il gnûf moviment, in plui dal Real IRA al metarès adun il Republican Action Against Drugs, atîf massime inte aree di Doire / Derry, e altris formazions indipendentis ativis sei te citât di Béal Feirste / Belfast che tes areis rurâls a maiorance nazionaliste de Irlande dal Nord. A restâ fûr, almancul par cumò, al sarès dome il Continuity IRA. La organizazion armade e comuniche di vê a disposizion diviers centenârs di oms e di jessi pronte a incressi il nivel des sôs azions cun chê di bati lis fuarcis britanichis e concuistâ cu lis armis la libertât de Irlande.
Font:
The Guardian, 26/07/12
Nessun commento:
Posta un commento