Il guvier basc al à presentât il so plan di azion des tecnologjiis linguistichis pe dade 2021-2024. Il document si propon doi obietîfs principâi, o sei lavorâ par che la aministrazion publiche e fasi di riferiment e di model pal rest de societât inta chest cjamp, e sbassâ la distance che ancjemò e je tes tecnologjiis linguistichis tra il basc e diviersis lenghis statâls. Sul plan pratic, une des azions primariis e je chê di miorâ il tradutôr neuronâl Itzuli che, vuê come vuê, al ven za doprât ogni dì par passe 250 mil traduzions cuotidianis, 4 mil servizis di leture sintetizade dai tescj voltâts e 3 mil trascrizions di vocâi.
Font:
EiTB, 06/05/22
Nessun commento:
Posta un commento