La assemblee anuâl di ESKOLIM – la associazion che e met adun lis scuelis imersivis parificadis che a operin intal stât francês – si è tignude ai 27 di Març in Corsiche. Cun di fat, la novitât di chest an e je che la rêt – che za e cjape dentri lis Diwan bretonis, lis Ikastolas baschis, lis Bressolas catalanis, lis Calandretas ocitanis e lis ABCM alsazianis – si slargje ancje a Scola Corsa, la gnove realtât di insegnament a imersion che e varès di partî cul prossim an scolastic a Bastia e a Biguglia. ESKOLIM e je nassude tal 2009 e, in dì di vuê, e rapresente une rêt educative formade di 15 mil students, 600 insegnants e 200 istitûts.
Font: Corse Net Infos, 27/03/21
Nessun commento:
Posta un commento