La vincjedoiesime edizion de Korrika, la corse inmaneade ogni doi agns par cjapâ sù fonts pe promozion e pal insegnament de lenghe basche e par slargjâ il so ûs inte societât, e varès vût di davuelzisi vie pal mês di Març di chest an ma, par vie de crisi sanitarie, e à vût di jessi spostade al 2022. A comunicâlu al è stât l’ent organizadôr AEK (Coordenament pe Alfabetizazion e pe Baschizazion) che al à fat savê che la manifestazion si davuelzarà dai 31 di Març ai 10 di Avrîl di chest an che al ven. Chel istès, ai 28 di Març, zornade che e varès vût di sierâsi cheste edizion de Korrika, miârs di personis a àn aderît a iniziativis che si son tignudis in otante localitâts diviersis dal Paîs Basc par manifestâ la lôr poie ae corse e aes sôs finalitâts.
Font: EiTB, 28/03/21
Nessun commento:
Posta un commento