La
organizazion Acció Cultural del País
Valencià (ACPV) e à proponût al
guvier spagnûl e ai partîts che lu poin in forme direte o che, cu
la lôr astension, i permetin di stâ in pîts (PSOE, Unidas
Podemos, ERC, Junts
per Catalunya, Compromís,
BNG, EAJ-PNV e EH Bildu)
di ricognossi la unitarietât de lenghe catalane cul doprâ chest
tiermin al puest di “lenghe valenziane” cemût che invezit al
sucêt inta cheste Comunitât autonome. Ancje se i linguiscj e la
cort costituzionâl spagnole a àn bielzà certificât che si trate
di chê stesse lenghe, il statût di autonomie de Comunitât e la
plui part des leçs locâls e statâls a doprin la forme “lenghe
valenziane” causant problemis no di pôc sei sul plan pratic che te
percezion de int. Lis autoritâts di Madrid a àn però decidût di
lassâ lis robis cemût che a son. De bande sô, il guvier valenzian
– formât di une aleance tra PSOE, Unidas
Podemos e Compromís
– al à manifestât la volontât di lâ indenant cul tiermin doprât
dal statût di autonomie.
Font:
El Priodic,
18/02/20
Nessun commento:
Posta un commento