29/03/19

Scozie: gnove vuide gramaticâl pal gaelic

Ai 19 di Març a son stadis publicadis lis gnovis liniis di indreçament gramaticâl pal gaelic scozês. Si trate di un lavôr metût adun de Agjenzie publiche pe lenghe gaeliche (Bòrd na Gàidhlig) e de Universitât di Glaschu / Glasgow cu la colaborazion di esperts, operadôrs linguistics e fevelants natîfs. La vuide e rapresente un imprest impuartant par disberdeâ une disine tra i ponts plui ingredeâts de gramatiche dal gaelic contemporani e e met lis fondis par une gramatiche gjenerâl de lenghe. Chê par vê des liniis di indreçament gramaticâl e jere une dibisugne fate indenant za di timp des personis impegnadis cu la lenghe o che a jerin daûr a imparâle.
Font: Bòrd na Gàidhlig, 19/03/19

Nessun commento: