L’an
passât, ae fin di une lungje bataie, la aree di Tuzi e je tornade a
deventâ un comun autonom dopo che tal 1957 e jere stade cjapade
dentri intal comun di Podgorica, la capitâl dal Montenegro. A sburtâ
pal resuriment dal comun e jere stade massime la minorance albanese
che ta cheste aree e je maioritarie. E propit une aleance di listis
albanesis e à vinçût lis primis elezions aministrativis dal gnûf
comun che si son tignudis ai 3 di Març. La aleance albanese e à
elet 16 dai 32 conseîrs comunâi intant che il Partît Democratic
dai Socialiscj e i siei aleâts – cje a son maioritaris in
Montenegro – si son fermâts a 15 elets. La aleance eletorâl
albanese e varès di rivâ a guviernâ il comun di Tuzi in gracie de
poie dal conseîr elet inte liste di oposizion Montenegro Democratic.
La cuistion e jere cussì sintude che une vore di membris di de
comunitât albanese che a lavorin ator pe Europe e fintremai tai
Stâts Unîts a son tornâts di pueste par votâ pe coalizion di
listis albanesis.
Font:
Balkan Insight,
04/03/19
Nessun commento:
Posta un commento