27/04/18

Galizie / León: la situazion dal Bierzo a Bruxelles

Il coletîf culturâl Fala Ceibe al ponte a fâ cognossi al Parlament european la situazion che si cjate a vivi il galizian intal Bierzo, provincie di lenghe galiziane cjapade dentri te comunitât di Castilie e León. Par chest la associazion e à contatât la eurodeputade Ana Miranda (BNG) par che e sburti i siei coleghis a fâ buine une risoluzion a pro di une tutele plui fuarte de lenghe proprie ta chest teritori. Il statût de comunitât autonome di Castilie e León al garantìs un ricognossiment juridic al galizian tai teritoris là che al è fevelât, ma cheste tutele e reste pe plui part su la cjarte.
Font: Diario de León, 15/04/18

Nessun commento: