Intune
conference stampe che si à tignude ai 4 di Setembar a Bilbo/Bilbao
ELA e LAB, lis siglis che a rapresentin la maiorance sindacâl
basche, a àn presentât un document svilupât in maniere unitarie là
che a proponin di inviâ un procès sovranist unilaterâl e sociâl
che al cjapi dentri la Comunitât Autonome Basche e la Navare. Pai
doi segretaris Adolfo Muñoz e Garbiñe Aranburu al covente un gnûf
status politic cun competencis legjislativis plenis ancje tal cjamp
socioeconomic e lavoratîf e, par rivâi, no si pues pontâ suntun
rignuviment dai statûts di autonomie là che il stât centrâl al à
simpri la ultime peraule. I doi sindacâts a zontin che par sburtâ
chest procès si pues partî dome de çampe nazionalitarie dal moment
la “diestre basche” rapresentade dal PNV e dal PSE-EE no à
nissune intenzion di vierzi un procès sovranist. ELA e LAB a invidin
duncje la çampe nazionalitarie basche a imbastî une dialetiche cul
moviment sindacâl par svilupâ chest procès.
Font:
EiTB,
04/09/17
Nessun commento:
Posta un commento