Il
consei comunâl di Vukovar al à decidût che lis scritis par serp
(alfabet cirilic) a saran gjavadis des tabelis istituzionâls e de
segnaletiche stradâl de citât e che par otignî documents par serp
dai uficis comunâi si varà di paiâ une soretasse. La decision e je
stade fate buine cul vôt dai conseîrs de Union Democratiche
Cravuate (HDZ) e e à cjatât la poie dai nazionaliscj cravuats e dai
grups di veterans. La leç statâl su lis minorancis e previôt l’ûs
couficiâl de lenghe minoritarie te segnaletiche e tai rapuarts cu la
aministrazion publiche cuant che i membris de comunitât minoritarie
a son almancul un tierç de popolazion totâl e, daûr dal ultin
censiment, a Vukovar il 34,8% de popolazion al è serp. La decision,
in plui de oposizion socialdemocratiche de citât, des organizazions
antifassistis e dai rapresentants de minorance serbe, e à jevât
ancje lis protestis uficiâls dal guvier di Belgrât.
Font:
Balkan Insight,
18/08/15
Nessun commento:
Posta un commento