Asturiis: tes primariis, il 53% al studie asturian

Inte suaze des iniziativis pe setemane de leterature asturiane, la assessore pe istruzion des Asturiis Ana González e à comunicât i ultins dâts sul insegnament de lenghe proprie intes scuelis de comunitât autonome. Tal an scolastic 2014 – 2015, il 53% dai arlêfs de scuele primarie, o sei sù par jù 17 mil fruts, a àn studiât l’asturian. La percentuâl si sbasse invezit al 15,4% intes secondariis di prin grât e fintremai al 3,6% tes superiôrs. Rispiet al an prime, la percentuâl di students che a àn sielzût cheste lenghe e je cressude dome tes secondariis di prin grât.

Font: Te Interesa, 30/04/15