Il guvier
ongjarês, par bocje dal ministri Zoltan Balog, al à domandât a
chel slovac di no sierâ lis scuelis de minorance magjare inte suaze
de riforme scolastiche che e previôt une riduzion dai istitûts
scolastics là che a son iscrits mancul fruts. Balog al à ancje
sigurât che la Ongjarie e fasarà compagn cu lis scuelis là che si
studie par slovac. Il ministri pe istruzion de Slovachie, Dušan
Čaplovič, al à spiegât che la responsabilitât pe gjestion des
scuelis e je comunâl, ma al à ancje dite che il guvier al intint
mantignî l’insegnament in dutis lis lenghis minoritariis dal paîs
par garantî a ducj i citadins lis stessis oportunitâts di gjoldi di
une istruzion di cualitât.
Font:
Politics.hu, 27/03/14
Nessun commento:
Posta un commento