A son
centenârs i bascs sierâts intes presons spagnolis e francesis par
vie de lôr partecipazion direte ae lote armade pe indipendence dal
Paîs Basc o ancje dome pe lôr ativitât politiche par chest stes
fin, cence contâ po ducj chei che pe stesse reson si cjatin
dispatriâts. Cundut che par solit si tint a associâ il conflit basc
al stât spagnûl, la situazion no je mancul grivie In France. Cun di
fat, in dì di vuê, a son 130 i presonîrs bascs intal stât francês
là che si cjatin a vivi lis stessis condizions repressivis dai lôr
compagns intes presons spagnolis, a tacâ de politiche di dispersion
che ju slontane ancje a plui di un miâr di chilometris di cjase e
dal tratament disuman tai confronts di chei tra di lôr che si cjatin
a vê malatiis une vore seriis. A denunciâ cheste situazion cuntun
document inviât aes autoritâts francesis e je la organizazion
Herrira dopo de muart in circostancis ancjemò dutis di sclarî dal
presonîr Xabier López Peña.
Il so câs, di fat, al è emblematic di cemût che ancje a Parîs si fronte la cuistion basche. La muart di López Peña e je rivade sul finî di Març, al pararès par vie di complicancis leadis a di un intervent chirurgjic. Herrira e ricuarde però che la sô famee e à savût dal so trasferiment in ospedâl dome dopo vot dîs e dome in gracie dal alarm dât di altris presonîrs. Une volte savût là che al jere stât puartât, ae sô famee i è stât impedît cualsisei contat e si ur a platât il cuadri esat des sôs condizions di salût. La notizie de sô muart e je stade comunicade ae famee dome dodis oris dopo che e jere rivade e par viodi il so cuarp a àn vût di spietâ altris trê dîs e, ancje ta chel câs, dome di daûr di un veri. A rindi inmò plui indecent il compuartament des autoritâts si à vût il dinei a di un miedi di fiducie de famee di assisti ae autopsie fate sul cuarp dal presonîr, fat che nol jude a fâ buine la version uficiâl su lis causis naturâls de sô muart. Un altri câs une vore seri al è chel dal presonîr Ibon Fernandez de Iradi che al patìs di sclerosi multiple, ma che al reste sierât in galere cence vê la assistence che e covente par une malatie dal gjenar. Herrira te sô denuncie e invide il guvier di Parîs a cambiâ la sô politiche carcerarie, ancje a front de fin de lote armade di ETA e dal procès di pâs inviât intal Paîs Basc.
Il so câs, di fat, al è emblematic di cemût che ancje a Parîs si fronte la cuistion basche. La muart di López Peña e je rivade sul finî di Març, al pararès par vie di complicancis leadis a di un intervent chirurgjic. Herrira e ricuarde però che la sô famee e à savût dal so trasferiment in ospedâl dome dopo vot dîs e dome in gracie dal alarm dât di altris presonîrs. Une volte savût là che al jere stât puartât, ae sô famee i è stât impedît cualsisei contat e si ur a platât il cuadri esat des sôs condizions di salût. La notizie de sô muart e je stade comunicade ae famee dome dodis oris dopo che e jere rivade e par viodi il so cuarp a àn vût di spietâ altris trê dîs e, ancje ta chel câs, dome di daûr di un veri. A rindi inmò plui indecent il compuartament des autoritâts si à vût il dinei a di un miedi di fiducie de famee di assisti ae autopsie fate sul cuarp dal presonîr, fat che nol jude a fâ buine la version uficiâl su lis causis naturâls de sô muart. Un altri câs une vore seri al è chel dal presonîr Ibon Fernandez de Iradi che al patìs di sclerosi multiple, ma che al reste sierât in galere cence vê la assistence che e covente par une malatie dal gjenar. Herrira te sô denuncie e invide il guvier di Parîs a cambiâ la sô politiche carcerarie, ancje a front de fin de lote armade di ETA e dal procès di pâs inviât intal Paîs Basc.
Font:
Naiz:, 04/04/13
Nessun commento:
Posta un commento