Nuie di fâ
pe nassite dal Consei de Alsazie intal referendum che si è tignût
domenie ai 7 di Avrîl. Il gnûf organisim al varès vût di nassi de
fusion tra l’atuâl Consei regjonâl de Alsazie e i doi
dipartiments dal Alt e dal Bas Ren. Par passâ però, cheste riforme
e veve bisugne dal vôt a pro di almancul il 25% dai citadins cun
dirit di vôt dai doi dipartiments. Intal Bas Ren, là che al à
votât il 37,5% dai citadins, il sì al à otignût tor dal 67% des
preferencis, come a dî pôc plui dal 24% dai citadins cun dirit di
vôt. Ancjemò piês la situazion intal dipartiment dal Alt Ren là
che, cuntune partecipazion di cuasi il 40%, il no al è rivât a plui
dal 54% e là che duncje, in rapuart ai citadins cun dirit di vôt,
il sì al è stât tor dal 17%, une vore lontan dal minim domandât
par inviâ la nassite dal Consei de Alsazie.
La creazion di chest gnûf sogjet istituzionâl e varès podût puartâ ancje il trasferiment di plui competencis de bande dal Stât centrâl in cjamps tant che la cooperazion transfrontaliere, la educazion e lis politichis linguistichis. Dilunc vie de campagne referendarie, i partîts de estreme diestre e de estreme çampe a son stâts tra i oposidôrs principâi de riforme, intant che tra chei a pro dal sì si vevin UMP, MoDem e Europe Écologie; crevadure une vore fuarte invezit tra i socialiscj, cun chei de Alsazie meridionâl plui pal sì e chei de Alsazie setentrionâl plui pal no o pe astension. Tra i partidants dal sì al jere po ancje il moviment autonomist Unser Land che al viodeve te nassite dal Consei de Alsazie un prin pas in direzion de creazion di une regjon pardabon autonome.
La creazion di chest gnûf sogjet istituzionâl e varès podût puartâ ancje il trasferiment di plui competencis de bande dal Stât centrâl in cjamps tant che la cooperazion transfrontaliere, la educazion e lis politichis linguistichis. Dilunc vie de campagne referendarie, i partîts de estreme diestre e de estreme çampe a son stâts tra i oposidôrs principâi de riforme, intant che tra chei a pro dal sì si vevin UMP, MoDem e Europe Écologie; crevadure une vore fuarte invezit tra i socialiscj, cun chei de Alsazie meridionâl plui pal sì e chei de Alsazie setentrionâl plui pal no o pe astension. Tra i partidants dal sì al jere po ancje il moviment autonomist Unser Land che al viodeve te nassite dal Consei de Alsazie un prin pas in direzion de creazion di une regjon pardabon autonome.
Font:
Libération, 07-08/04/13
Nessun commento:
Posta un commento