A àn jevât
reazions une vore negativis a nivel internazionâl, là che a son
presintis comunitâts di dispatriâts saharawi o organizazions che a
poin la lote pe autodeterminazion di chest popul, lis sentencis
emetudis dal tribunâl militâr di Rabat cuintri di une vincjine di
militants saharawi. Cun di fat, la cort militâr marochine e à
condanât vot di lôr ae preson a vite, cuatri a 30 agns di galere e
altris dîs a penis che a van dai 20 ai 25 agns (intant che doi a
saran liberâts viodût che a àn za passât in preson in spiete dal
judizi i doi agns de lôr condane). Il procès al fâs riferiment a
fats capitâts intal 2010 a Gdeim Izik, incjampament tirât sù intal
Sahara Ocidentâl dongje de capitâl El-Aaiún, là che si vevin dâts
dongje diviers miârs di saharawi.
Lis autoritâts marochinis, che di passe trente agns a ocupin il Sahara Ocidentâl in violazion dal dirit internazionâl, a vevin decidût di mandâ l’esercit par disbratâ l’incjampament: operazion che e jere stade puartade insom cun grande violence e cul impediment totâl di acès pai mieçs di informazion e pai osservadôrs internazionâi. I ativiscj saharawi, membris o vicins al moviment di liberazion nazionâl Polisario, a jerin acusâts di partignince a bande armade e di resistence aes fuarcis publichis cun consecuencis ancje mortâls. La difese e veve domandât la lôr assoluzion par vie che lis unichis provis presentadis in aule a jerin rapresentadis di declarazions verbâls che a saressin stadis otignudis cu la torture. Denant dai dubis sul rispiet dai dirits dai imputâts, diviersis organizazions pai dirits umans a àn domandât al Maroc di tornâ a celebrâ il procès, ma cheste volte denant di un tribunâl civîl e no militâr.
Lis autoritâts marochinis, che di passe trente agns a ocupin il Sahara Ocidentâl in violazion dal dirit internazionâl, a vevin decidût di mandâ l’esercit par disbratâ l’incjampament: operazion che e jere stade puartade insom cun grande violence e cul impediment totâl di acès pai mieçs di informazion e pai osservadôrs internazionâi. I ativiscj saharawi, membris o vicins al moviment di liberazion nazionâl Polisario, a jerin acusâts di partignince a bande armade e di resistence aes fuarcis publichis cun consecuencis ancje mortâls. La difese e veve domandât la lôr assoluzion par vie che lis unichis provis presentadis in aule a jerin rapresentadis di declarazions verbâls che a saressin stadis otignudis cu la torture. Denant dai dubis sul rispiet dai dirits dai imputâts, diviersis organizazions pai dirits umans a àn domandât al Maroc di tornâ a celebrâ il procès, ma cheste volte denant di un tribunâl civîl e no militâr.
Font:
Naiz:, 18/02/13
Nessun commento:
Posta un commento