Ai 23 di
Zenâr il Parlament de Catalogne al à fate buine la Declarazion di
sovranitât dal popul catalan. La aprovazion dal document, che e
rapresente il prin pas intal procès di autodeterminazion de
Catalogne, e je rivade cun 85 vôts a pro, 41 contraris e dôs
astensions. A votâ a favôr de Declarazion a son stâts CiU, ERC –
lis dôs fuarcis politichis plui votadis intes ultimis elezions – e
ICV-EUiA. Dai trê deputâts de CUP, formazion de çampe radicâl e
indipendentiste catalane, un al à votât a pro e doi si son
astignûts par pandi di une bande la volontât di aderî al procès
di autodeterminazion e di chê altre la domande di une azion plui
radicâl pe indipendence. A votâ cuintri dal document a son stadis
invezit lis dôs fuarcis dal front spagnolist, o sei PP e Ciutadans,
e il PSC. La decision de dirigjence socialiste di votâ cuintri e à
però jevât cetantis contrarietâts dentri dal partît al pont che
cinc deputâts socialiscj, pûr di no votâ cuintri, a àn decidût
di no partecipâ al vôt.
La Declarazion, dopo di une jentrade là che si presentin lis resons storichis dal at, si svilupe su nûf ponts: la sovranitât dal popul catalan; la legjitimitât democratiche dal procès di autodeterminazion; la trasparence intal svilup dal procès; il dialic cu lis istituzions statâls e internazionâls; la difese de coesion sociâl; la volontât di restâ inte Union Europeane; la legalitât des azions svilupadis; la funzion centrâl dal Parlament intal procès; la partecipazion de societât al procès. La aprovazion de Declarazion e je stade criticade cun fuarce dal guvier spagnûl che al à tornât a fevelâ dal procès di autodeterminazion catalan tant che di un at ilegâl e nol à sparagnât la menace di ritorsions. Il president dal guvier catalan, Artur Mas (CiU), al à fat savê che ai 31 di Zenâr al presentarà la Declarazion al re spagnûl intant di un incuintri tra i doi in program a Madrid.
La Declarazion, dopo di une jentrade là che si presentin lis resons storichis dal at, si svilupe su nûf ponts: la sovranitât dal popul catalan; la legjitimitât democratiche dal procès di autodeterminazion; la trasparence intal svilup dal procès; il dialic cu lis istituzions statâls e internazionâls; la difese de coesion sociâl; la volontât di restâ inte Union Europeane; la legalitât des azions svilupadis; la funzion centrâl dal Parlament intal procès; la partecipazion de societât al procès. La aprovazion de Declarazion e je stade criticade cun fuarce dal guvier spagnûl che al à tornât a fevelâ dal procès di autodeterminazion catalan tant che di un at ilegâl e nol à sparagnât la menace di ritorsions. Il president dal guvier catalan, Artur Mas (CiU), al à fat savê che ai 31 di Zenâr al presentarà la Declarazion al re spagnûl intant di un incuintri tra i doi in program a Madrid.
Font:
VilaWeb, 23-25/01/13
Nessun commento:
Posta un commento