Il guvier rumen al à comunicât la sô
intenzion di inviâ dôs azions par facilitâ l’acès des minorancis ae educazion.
Su sburt de UDMR (Union Democratiche Magjare in Romanie) al à decidût di vierzi
une facoltât di medisine in lenghe ongjarese inte citât di Marasovasarhely /
Targu Mures, une des areis là che la comunitât magjare e je plui numerose. In
Romanie i ongjarês a son plui di un milion e 200 mil, ven a dî il 6,5% de
popolazion totâl. Chê altre misure decidude dal esecutîf rumen e je la nassite
dal prin istitût superiôr di Bucarest pai rom. Daûr dai dâts uficiâi i rom
rumens a saressin 650 mil, ma daûr di stimis plui dongje de realtât a saressin
almancul il dopli. La gnove e je stade cjapade in maniere positive des
organizazions impegnadis pai dirits dai rom, ancje se par un judizi precîs a
spietin di vê plui informazions su cemût che e sarà organizade la struture.
Font: Balkan Insight,
14/03/12
Nessun commento:
Posta un commento