Il referendum su la indipendence de Scozie si fasarà, ma no son pocjis lis cuistions che a restin di discrosâ e, ta chestis zornadis, il dibatiment in proposit si à tornât a piâ. Di une bande e je la posizion dal guvier scozês, vuidât di Alex Salmond che cul SNP al à otignût la maiorance assolude intes ultimis elezions, e di chê altre si à chê dai trê partîts contraris ae indipendence de Scozie, ven a dî Conservadôrs, Liberâi Democratics e Laburiscj. Almancul a peraulis, ducj a ricognossin il dirit dai scozês a votâ intun referendum su la indipendence e a somein disponibii a confrontâsi tra di lôr su la maniere miôr par fâlu.
Ai 13 di Zenâr, intant di un incuintri a Dublin, Salmond al à invidât il prin ministri britanic David Cameron (Conservadôrs) e il vice Nick Clegg (Lib Dems) a di un incuintri in Scozie par frontâ l’argoment. Une des primis cuistions su la taule e je chê de date. Pal guvier scozês si trate de plui gruesse decision che la Scozie si cjate a decidi di almancul tresinte agns incà e dut al va preparât par ben, par chest il vôt referendari nol pues jessi fat prime dal Autun dal 2014. Pai partîts unioniscj, invezit, la malsigurece leade ae indipendence scozese e fâs dams ae economie e, duncje, si à di votâ il prime pussibil. Un altri probleme di frontâ al è chel dal pês dal guvier centrâl intes decisions su cemût davuelzi il referendum: pal SNP no si à di vê nissune interference, ma pai partîts unioniscj cence deleghis di Londre la Scozie no pues imbastî la consultazion di bessole. Un altri pont di contrast al è chel des opzions contignudis intes schedis: pai partîts britanics si varà di vê dome il sì o il no ae indipendence, ma pal SNP si podarès ancje meti dentri une tierce opzion sul aument dal autoguvier scozês. Une altre reson di contrast e je chê di cui che al votarà al referendum: pai indipendentiscj scozês si varès di cjapâ dentri ancje i fantats di 16 e 17 agns, pai unioniscj la etât minime pal vôt referendari e à di restâ chê dai 18 agns.
Ai 13 di Zenâr, intant di un incuintri a Dublin, Salmond al à invidât il prin ministri britanic David Cameron (Conservadôrs) e il vice Nick Clegg (Lib Dems) a di un incuintri in Scozie par frontâ l’argoment. Une des primis cuistions su la taule e je chê de date. Pal guvier scozês si trate de plui gruesse decision che la Scozie si cjate a decidi di almancul tresinte agns incà e dut al va preparât par ben, par chest il vôt referendari nol pues jessi fat prime dal Autun dal 2014. Pai partîts unioniscj, invezit, la malsigurece leade ae indipendence scozese e fâs dams ae economie e, duncje, si à di votâ il prime pussibil. Un altri probleme di frontâ al è chel dal pês dal guvier centrâl intes decisions su cemût davuelzi il referendum: pal SNP no si à di vê nissune interference, ma pai partîts unioniscj cence deleghis di Londre la Scozie no pues imbastî la consultazion di bessole. Un altri pont di contrast al è chel des opzions contignudis intes schedis: pai partîts britanics si varà di vê dome il sì o il no ae indipendence, ma pal SNP si podarès ancje meti dentri une tierce opzion sul aument dal autoguvier scozês. Une altre reson di contrast e je chê di cui che al votarà al referendum: pai indipendentiscj scozês si varès di cjapâ dentri ancje i fantats di 16 e 17 agns, pai unioniscj la etât minime pal vôt referendari e à di restâ chê dai 18 agns.
Intant che si va dilunc a discuti di chestis tematichis, dut câs al è ancje cui che al cjale a ce che al podarès sucedi se la Scozie e deventàs indipendente. Al è il câs dal prin ministri galês, il laburist Carwyn Jones, che in câs di jessude de Scozie dal Ream Unît al dîs che e coventarà une riforme radicâl des istituzions. “Al coventarà tornâ a pensâ a partî des fondis la nature dal rapuart tra lis trê nazions che a restaran dentri dal Ream” al zonte Jones che, tra lis altris misuris, al propon di imbastî une Cjamare alte dal Parlament là che Ingletiere, Irlande dal Nord e Gales a vedin un numar compagn di rapresentants.
Font: BBC, 09-13/01/12; The Guardian, 09/01/12
Nessun commento:
Posta un commento