Scritôr e linguist, al à scrit chel che al ven tignût tant che prin romanç moderni scrit in lenghe basche, o sei Leturiaren Egunkari Ezkutua (Il diari platât di Leturia, 1957). Autôr di une trentine tra oparis di narative, linguistiche e saçs; membri de Euskaltzaindia (Academie de Lenghe Basche) al à dât un contribût impuartant par normalizâ e par promovi il basc.
Di zovin al jere jentrât intal Partît
Nazionalist Basc (EAJ - PNV), ma za sul finî dai agns ’50 si veve slontanât de
linie di chel partît e al veve partecipât prime ae fondazion di Ekin e po di
ETA (Euskadi Ta Askatasuna). Al ven arestât prime intal 1950 e po intal 1960,
intal 1961 al è obleât a scjampâ prime intal stât francês e po inte Belgjiche
par evitâ la repression franchiste. Tal 1967 al decît di bandonâ ETA, ma al reste
atîf inte militance politiche nazionalitarie prime cuntune colaborazion cun
Enbata e po fondant il moviment Euskal Sozialista Biltzarrea. Txillardegi al è
po un dai fondadôrs de coalizion de çampe indipendentiste basche Herri Batasuna
là che al milite dilunc vie dai agns ’80. Tra i agns ’90 e il prin tacâ dal
secul XXI al cjape part a altris esperiencis politichis tant che chês di Aralar
e ANV.
Nessun commento:
Posta un commento