Cul 2010 il turc al deventarà la tierce lenghe uficiâl dal comun di Gostivar, in Macedonie. Cun di fat, la aministrazion comunâl e à fate buine la domande rivade di un partît espression de comunitât turche che e rapresente il 10% dai 80 mil abitants de citât. Daûr de leç macedone, ogni comun al pues decidi in autonomie lis lenghis che, sul so teritori, a gjoldin di un status di uficialitât. Chest al vûl dî, tra lis altris robis, che la aministrazion locâl e à di fâ ducj i documents e i avîs uficiâi intes lenghis ricognossudis tant che uficiâls. A Gostivar a jerin bielzà uficiâls il macedon e l’albanês.
Font: Món Divers, 17/07/09
Nessun commento:
Posta un commento