Ae vilie de publicazion de bande dal guvier galês dal stampon de leç pe educazion in lenghe galese, la organizazion Cymdeithas yr Iaith e à presentât la sô cuintripropueste là che si bat su la oportunitât che il ministeri al à di garantî la educazion par galês a ducj cuancj. In dì di vuê dome il 20% dai students al à la pussibilitât di vê il galês tant che lenghe veicolâr, intant che chei altris a àn di contentâsi di vêlu, cuant che e va ben, come seconde lenghe e duncje di no vê une fluence suficiente par vivi ad in plen la lôr comunitât e la lôr culture o par podê spindi la cognossince de lenghe sul plan lavoratîf. Tra i ponts di fonde che si cjatin inte propueste de Cymdeithas si à di fissâ come obietîf che tal 2050 il galês al sedi la lenghe veicolâr di dutis lis scuelis dal Gales, che dutis lis scuelis gnovis metudis sù di cumò indenant a sedin a imersion par galês, e che i plans educatîfs locâi pe lenghe galese a lassin il puest a di un plan strategjic nazionâl.
Font: Nation Cymru, 02/08/22
Nessun commento:
Posta un commento