Il guvier de Comunitât Autonome Basche al à fat bon il bant anuâl par incressi l’ûs e la presince dal euskara tai puescj di vore dal setôr privât. Pal 2022 a son stâts metûts a disposizion doi milions di euros. Di chescj, plui de metât, a laran par sostignî lis ativitâts des impresis che si son za indotadis di un plan linguistic; 150 mil a saran invezit disponibii pes aziendis che no lu àn; 200 mil par analizâ la situazion linguistiche interne e meti jù i plans; e 550 mil a laran a chês realtâts che a disviluparan azions a pro de lenghe basche che a van plui innà di chês programadis intal plan linguistic.
Font: Noticias de Gipuzkoa, 12/07/22
Nessun commento:
Posta un commento