Diviers viazadôrs in partence de Galizie al Ream Unît a àn scuviert che i esams antigjenics che a vevin fat par podê cjapâ l’avion no jerin calcolâts valits pal fat di jessi scrits par galizian. Il personâl des compagniis aeriis interessadis e à acetât lis prenotazions ma e à po impedît ai viazadôrs di imbarcjâsi spiegant che il Ream Unît al acete dome esams scrits par inglês, francês o castilian. Un tant nol sucêt pai citadins che a àn il certificât vert dal moment che chel furnît des autoritâts de Galizie, in plui che in lenghe proprie, al è ancje par castilian e par inglês. I citadins restâts a tiere a àn centrât lis lôr critichis su lis compagniis aeriis che no àn informât de cuistion visantju dome cuant che a vevin di imbarcjâsi e nol jere plui timp par soluzions alternativis. Pes organizazions pai dirits linguistics però il probleme vêr al è chel che no si tegnin par bogns documents ad in plen valits e scrits intune des lenghis couficiâls ricognossudis dentri dal Ream di Spagne.
Nessun commento:
Posta un commento