E je partide une campagne par domandâ che lis bancjis a acetin assegns scrits par cornic. Si trate di un strument di paiament simpri mancul doprât ma, chel istès, la iniziative e vûl pontâ la atenzion su la discriminazion metude in at dai istitûts che, tant che la Lloyds Bank, a acetin chei compilâts par galês e par gaelic, ma no chei par cornic. I promotôrs de campagne a ricuardin che la lenghe proprie de Cornualie e je ricognossude dal guvier britanic e tutelade te suaze de convenzion cuadri pe protezion des minorancis nazionâls, duncje il compuartament des bancjis al pues jessi calcolât dome come discriminatori. Par altri, il cornic si lu doprarès dome par scrivi la date e la entitât de cifre in cuistion, indicade ancje cui numars: nuie duncje di cussì dificil di capî o in stât di alterâ il valôr dal document.
Nessun commento:
Posta un commento