Une ricercje puartade indenant di trê universitâts scozesis e finanziade de agjenzie pe lenghe gaeliche Bòrd na Gàidhlig e à permetût indagâ i compuartaments linguistics dai zovins che a àn davuelt un percors scolastic imersîf par gaelic di almancul 15 agns. Une analisi sui students galês e mostrave che in masse câs, une volte finide scuele, i fantats a lassavin ancje la lenghe proprie come se e fos dome une materie di studi che no coventave plui. Il studi scozês al conferme invezit che il bilinguisim al à i stes efiets positîfs sul plan cognitîf sei che si trati di une lenghe fevelade di pôcs di lôr che di une lenghe di grande difusion. Lis capacitâts disvilupadis cuntune educazion bilengâl a ufrissin po plui oportunitâts une volte finide la scuele. I risultâts di cheste ricercje a coventaran ancje par judâ a decidi la programazion de politiche linguistiche pai prossims agns.
Font: Bòrd na Gàidhlig, 20/10/20
Nessun commento:
Posta un commento