Il
guvier galês al à davuelt une consultazion publiche sul so progjet
di riforme de legjislazion linguistiche. Lis rispuestis cjapadis sù
a son stadis 504 che i si zontin altris 278 tiradis dongje cun trê
campagnis diferentis de organizazion Cymdeithas
yr Iaith che però i funzionaris dal
guvier no àn calcolât te lôr totalitât ma dome come trê
contribûts singui. Ta cheste maniere, e à protestât la
organizazion pe lenghe, i risultâts de consultazion a son stâts
strassomeâts a fuart. Daûr dai calcui dai funzionaris dal guvier,
juste par fâ un esempli, une des propuestis di riforme plui
impuartantis dal esecutîf galês – o sei di sostituî l’ufici
dal comissari pe lenghe cuntun altri organisim – e cjatarès
contraris o in dubi il 56% dai partecipants ae consultazion; invezit,
se si tignìs cont di dutis lis rispuestis singulis, i contraris o in
dubi a saressin plui dal 70% dal totâl. Rapresentants dal esecutîf
a àn ametût che la proteste e à mani e che a tignaran cont dai
indreçaments che a rivin des campagnis de Cymdeithas.
Font:
BBC,
07/03/18
Nessun commento:
Posta un commento