Ai
25 di Zenâr il prin ministri spagnûl, Mariano Rajoy, al à
presentât un ricors denant dal consei di stât par impugnâ la
decision dal president dal Parlament de Catalogne, Roger Torrent, di
proponi tant che candidât pe presidence dal guvier catalan, Carles
Puigdemont. Pes autoritâts spagnolis, di fat, Puigdemont nol è
compatibil cu la incarghe dal moment che cuntun ordin di arest sul
cjâf al sarès impresonât a pene che al ves di tornâ in Catalogne.
L’esecutîf di Madrid al à ancje decidût di fâ indenant al
consei di stât diviers sclariments legâi che, in câs di rispueste
afermative de magjistrature, a laressin a impedî la nomine di un
president dal guvier che nol sedi presint in Aule e il vôt delegât
di parlamentârs che si cjatin intal forest, in plui di puartâ la
presidence dal Parlament catalan a riscjâ la incriminazion. La
iniziative dal esecutîf spagnûl e à cjatât la poie dai partîts
spagnoliscj (Cs, PP e PSC), intant che Catalunya
en Comú-Podem e à domandât a Junts
per Catalunya e ERC di proponi un
candidât alternatîf a Puigdemont par permeti al gnûf esecutîf
catalan di guviernâ daurman e recuperâ l’autoguvier suspindût
des autoritâts spagnolis cul articul 155.
Par
cumò duncje la uniche istituzion catalane za operative e je la
presidence dal Parlament elete ai 16 di Zenâr che e viôt tant che
president Roger Torrent (ERC) e vicepresident Josep Costa (JxCat).
Chei altris cinc puescj a son invezit lâts a José María
Espejo-Saavedra e Joan Garcia (Cs), David Pérez (PSC), Eusebi
Campdepadrós (JxCat) e Alba Vergés (ERC).
Font:
Ara,
25/01/18;
Naiz:, 25/01/18
Nessun commento:
Posta un commento