06/02/15

Scozie: disponibil il coretôr ortografic pal gaelic

Ai 28 di Zenâr al è stât presentât in maniere uficiâl intal Parlament scozês un coretôr ortografic gaelic par Microsoft Office. Il program, che si poie suntune base di dâts di 547 mil formis, al è stât svilupât de agjenzie Bòrd na Gàidhlig. Si trate di un imprest pensât par judâ a doprâ la lenghe in maniere plui sigure a scuele, intai rapuarts di vore e ta chei informâi, ma ancje par semplificâ il rapuart tra il standard scrit e lis diviersis varietâts de lenghe gaeliche feveladis ator pe Scozie.
Font: Bòrd na Gàidhlig, 28/01/15

Nessun commento: