Daûr
di un sondaç publicât ai 10 di Novembar e metût adun di YouGov e
Cymdeithas yr Iaith Gymraeg, il 63% dai citadins dal Gales al è
dacuardi sul fat che lis scuelis a varessin di garantî a ducj i
students di imparâ il galês avonde ben di permetiur di comunicâ in
maniere normâl ta cheste lenghe. Vuê come vuê, invezit, la
pussibilitât di saltâ fûr de scuele cuntun nivel di competence che
al permeti di doprâ pardabon il galês inte vite di ogni dì e
dipent di fatôrs i plui diviers tant che lis disponibilitâts
economichis dai gjenitôrs o il lûc là che si è a stâ. Par chest
la Cymdeithas e propon che in dutis lis scuelis dal Gales une part
des materiis e vedi di jessi insegnade inte lenghe proprie. Su chest
pont però la opinion publiche e je dividude: daûr dal sondaç, di
fat, al ven fûr che il 42% dai intervistâts al è dacuardi a
insegnâ materiis par galês ancje intes scuelis cul inglês tant che
lenghe veicolâr, e il 48% al è contrari. Un risultât che la
Cymdeithas e calcole distès tant che positîf, viodude la scjarse
informazion che si à su cheste tematiche.
Font:
Cymdeithas,
10/11/14
Nessun commento:
Posta un commento