E tache
pardabon mâl la gnove legjislature in Macedonie là che, dopo des
elezions politichis e presidenziâls di Avrîl, la plui part dai
elets de oposizion no si son presentâts pal increditament tant che
parlamentârs. Al apontament in comission eletorâl a son rivâts i
80 deputâts dai doi partîts che a formin la coalizion di guvier,
ven a stâi i 61 dal VMRO DPMNE e i 19 dal moviment plui votât de
minorance albanese o sei Union Democratiche pe Integrazion, ma dome 8
dai elets tra i partîts di oposizion, o sei i 7 de seconde formazion
politiche albanese – il Partît Democratic dai Albanês – e
l’unic deputât dal moviment GROM. No si son presentâts chei
altris 35 parlamentârs di oposizion elets dal Partît Sociâl
Democratic, dai Gnûfs Socialdemocratics, dai Liberâi Democratics e
dal plui piçul tra i partîts rapresentatîfs de comunitât
albanese, ven a dî la Rinassite Nazionâl Democratiche. Chescj
partîts a denunciin brois eletorâi e a domandin un guvier di
transizion che al permeti di creâ chês cundizions di paritât che a
coventin par gnovis elezions regolârs.
No je però dome la oposizion a fevelâ di elezions dubis, dal moment che i stes osservadôrs de OSCE a àn segnalât la mancjance di almancul trê elements di fonde par un vôt regolâr, ven a dî: la separazion tra lis ativitâts istituzionâls dal guvier e chês dai partîts che lu formin; la esistence di regulis che a permetin un confront eletorâl paritari tra ducj i partîts in cjamp; e la imparzialitât dai mieçs di comunicazion. La crisi istituzionâl e podarès deventâ ancjemò plui marcade intant de riunion parlamentâr pal insediament dal president de Republiche, cuant che ancje i elets de Union Democratiche pe Integrazion a podaressin no presentâsi par protestâ cuintri de decision dal partît di maiorance relative VMRO DPMNE di imponi un candidât pe presidence cence abadâ ae lôr domande di sielzi cualchidun che al podès rapresentâ sei la maiorance macedone che la minorance albanese.
No je però dome la oposizion a fevelâ di elezions dubis, dal moment che i stes osservadôrs de OSCE a àn segnalât la mancjance di almancul trê elements di fonde par un vôt regolâr, ven a dî: la separazion tra lis ativitâts istituzionâls dal guvier e chês dai partîts che lu formin; la esistence di regulis che a permetin un confront eletorâl paritari tra ducj i partîts in cjamp; e la imparzialitât dai mieçs di comunicazion. La crisi istituzionâl e podarès deventâ ancjemò plui marcade intant de riunion parlamentâr pal insediament dal president de Republiche, cuant che ancje i elets de Union Democratiche pe Integrazion a podaressin no presentâsi par protestâ cuintri de decision dal partît di maiorance relative VMRO DPMNE di imponi un candidât pe presidence cence abadâ ae lôr domande di sielzi cualchidun che al podès rapresentâ sei la maiorance macedone che la minorance albanese.
Font:
Balkan Insight, 7/05/14
Nessun commento:
Posta un commento